اسلام آباد۔24مارچ(اے پی پی) وفاقی وزیر تجارت جام کمال خان اتے پاکستان اچ نیدرلینڈز دی سفیر ہینی فوکل ڈی وریز وچال ݙوپاسے تجارتی سرمایہ کاری تے اقتصادی تعاون ودھاوݨ تے ڳالھ مہاڑ تھئی ۔ ملاقات اچ زراعت، ٹیکنالوجی، ماہی گیری اتے ٹیکسٹائل دے شعبیں تے خ??وصی توجہ ݙتی ڳئی ۔وزیر تجارت ایں ڳالھ تے زور ݙتے جو جی ایس پی پلس دے علاوہ وی تجارتی موقع کوں وسعت ݙتی ونڄے تے زراعت و صنعتی جدت اچ سرمایہ کاری دے موقع ڳولیے ونڄن ۔ نیدر لینڈ دی سفیر زراعت اچ ڈچ مہارت، جدید ٹیکنالوجی اتے آبی وسائل دے انتظام تے روشنی پاتی تے ممکنہ اشتراک تے آمادگی ظاہر کیتی۔ یورپی یونین-پاکستان بزنس فورم کوں تجارتی ودھارے سانڳے ھک اہم پلیٹ فارم دے طور تے زیر بحث گھن آیا ڳئے ۔ جام کمال خان آکھیے پاکستان دی نیدرلینڈز کوں برآمدات مالی سال 24۔2023 اچ 1.48 ارب امریکی ڈالر تئیں پڄ ڳئن جنہاں اچ ٹیکسٹائل، چاول اتے الکوحل نمایاں چیزاں ہن ۔ ملاقات اچ ماہی گیری اتے زراعت ڳالھ مہاڑ دا مرکزی موضوع رہیے تے پاکستان نیدرلینڈز توں جدید زراعت، مصنوعی ذہانت تے مبنی حل اتے کراچی فش ہاربر کوں یورپی معیار موجب بݨاوݨ اچ مدد دی درخواست کیتی ۔ وزیر تجارت پاکستان دے ٹیکسٹائل سیکٹر اچ سرمایہ کاری دی دعوت ݙتی تے پراݨی مشینری کوں جدید بݨاوݨ دی لوڑھ تے زور ݙتے ۔ سفیر صنعت دی ترقی سانڳے ڈچ ایف ایم او فنڈنگ دے موقع ڳولݨ دی تجویز ݙتی ۔ وزیر تجارت نیدرلینڈز دی طرفوں تکنیکی پروگرامز جیویں جو پی یو ایم اتے سی بی آئی، کوں ختم کرݨ دے فیصلے تے نظر ثانی دی درخواست کیتی تے انہاں پروگراماں دی تجارتی صلاحیت کوں مضبوط بݨاوݨ اچ اہمیت کوں اجاگر کیتے۔ملاقات دے چھیکڑ تے ڈچ وزیر خارجہ تجارت کوں پاکستان دے دورے اتے آئی ٹی، زراعت، اتے قابل تجدید توانائی دے شعبیں اچ سرمایہ کاراں دے رلے آوݨ دی دعوت ݙتی ڳئی۔
پاکستان تے نیدرلینڈز وچال تجارت اتے سرمایہ کاری اچ توسیع تے ڳالھ مہاڑ
اسلام آباد۔24مارچ(اے پی پی) وفاقی وزیر تجارت جام کمال خان اتے پاکستان اچ نیدرلینڈز دی سفیر ہینی فوکل ڈی وریز وچال ݙوپاسے تجارتی سرمایہ...
مضمون کا ماخذ : میگا ملینز آن لائن ٹکٹ
